არმაზ ბეკარი

ჩვენი ავტორები

არმაზ ბეკარი

არმაზ ბეკარი რეზო ჯორბენაძის ლიტერატურული ფსევდონიმია. იგი დაიბადა თბილისში 1980 წელს. დაამთავრა თბილისის სახელმწიფო სამედიცინო უნივერსიტეტის სამკურნალო და გერმანიის ქალაქ ბონის უნივერსიტეტის სამედიცინო ფაკულტეტები. ცხოვრობს გერმანიაში, სადაც 2006 წლიდან მუშაობს ექიმ კარდიოლოგად. გერმანიის ქალაქ ტუბინგენის უნივერსიტეტში 2011 წელს დაიცვა სადოქტორო დისერტაცია გულის უკმარისობის მკურნალობის საკითხებზე. ამჟამად გერმანიის ქალაქ შტუდგარტის კლინიკის კარდიოლოგიური განყოფილების უფროსი კარდიოლოგია.

 

რეზო ჯორბენაძის მოთხრობამ „ტოსკა“ 2017 წელს „რევაზ ინანიშვილის სახელობის ერთი მოთხრობის კონკურსში“ პირველი პრემია დაიმსახურა (ჟიურის თავმჯდომარე მაკა ჯოხაძე). ამავე, რიგით მე-11 კონკურსში მის მოთხრობას „მეც შენთან ერთად, ძია ვან რეინ“ 2020 წელს ასევე პირველი პრემია ხვდა წილად (ჟიურის თავმჯდომარე თემურ ჯაგოდნიშვილი).

 

„არტანუჯმა“ 2019 წელს გამოსცა რეზო ჯორბენაძის მოთხრობების სადებიუტო კრებული „დაბადებიდან შობამდე. აპეირონი“, ხოლო 2021 წელს – მისი პირველი რომანი „ლაჟვარდისფერი ვითარცა-ქრისტე“, რომელიც არმაზ ბეკარის ფსევდონიმით დაიბეჭდა.

 

გაზიარება

რეცენზიები

რეცენზიები არ არის

ჯონ სტაინბეკის „თაგვებსა და ადამიანებზე“ 40%-იანი ფასდაკლებით

გამომცემლობა „არტანუჯი“ გთავაზობთ 40%-იან  ფასდაკლებას  ჯონ სტაინბეკის გახმაურებულ რომანზე – „თაგვებსა და ადამიანებზე“. ფასდაკლება გრძელდება 5... ვრცლად >

შეიძინე ქართველი ავტორის წიგნი!

გამომცემლობა „არტანუჯი“ და გამომცემლობა „ინტელექტი“ იწყებს გრანდიოზულ აქციას #შეიძინექართველიავტორისწიგნი!   ქართული წიგნის ბაზრის... ვრცლად >