თბილისური ჰერბარიუმი

ფოტოალბომი ხელმისაწვდომია როგორც რბილი, ისე მაგარი ყდით

 

არქიტექტორ ნოდარ სუმბაძის ფოტოკოლაჟები ფოტოალბომსა და ღია ბარათების კრებულში გაერთიანდა.

 

ალბომში წარმოდგენილ 25 ფოტოკოლაჟს კი ერთვის ავტორისავე მცირე ესეები თბილისის ხიდებზე, თბილისური სახლების სადარბაზოებზე, აივნებზე, სვეტებსა თუ სახელურებზე, მოაჯირებზე... აქ წააწყდებით საფლავის ქვებს, თბილისის ქუჩებში გაბნეულ ორნამენტებსა თუ ხის დეტალებს, საბჭოთა სიმბოლიკის მატარებელ ფრაგმენტებს...

 

„თბილისი ჰერბარიუმია, რომლის გაცრეცილი ფურცლები, შენობები და ეზოები ჯერ კიდევ ინარჩუნებენ იქ მცხოვრები მრავალი თაობის დარდს, სიხარულსა და აუხდენელ ოცნებებს; ოთახებსა და სადარბაზოებში ჯერ კიდევ ტრიალებს დროის სურნელი... ამ ქალაქის იერსახის განსაკუთრებულობას, განუმეორებელ „თბილისურ სტილს“ აღმოსავლურ-დასავლურ- ევროპულ-აზიური არქიტექტურული მიქსი და ლოკალური გეოგრაფიულ-კლიმატური სპეციფიკა ქმნის.“