ლაჟვარდისფერი ვითარცა ქრისტე

წიგნები

ლაჟვარდისფერი ვითარცა ქრისტე

არმაზ ბეკარი

ISBN: 978-9941-494-19-2

კატეგორია: ქართული პროზა და პოეზია

გვერდები: 222

ფორმატი: 14X20.5

გამოცემის თარიღი: 2021

ყდა: რბილი

ფასი: 14.95

ყიდვა
„მას ანთრო ჰქვია და გვარად ადამიაა. ანთროპოსია და ადამიანია. ანთროპოს ანთროპოსია, ანუ ადამიან ადამიანი, როგორც ჰუმბერტ ჰუმბერტი. ერთი კაცია და ორი ადამიანი. ცოტა იცოცხლა, მაგრამ გრძელი გზა გაიარა – ძალიან გრძელი გზა გაიარა, სანამ თავი იპოვა. ორივე მშობლისათვის პირველი სიყვარულის ნაყოფი იყო. მუსიკის კაცი იყო. მორჩილი იყო. ოცი წლის წავიდა. მასში თავი მოიყარა ევროპული ცივილიზაციის ორმა ბორცვმა, აკროპოლისმა და გოლგოთამ. რატომ ანთრო და რატომ ადამია? ჩვენთვის პირველი ბერძნული სამყაროს სახელია, მეორე – ქრისტიანულის. ამ პატარა რომანში ტექტონური ძვრაა. აქ ერთ სხეულში ერთმანეთს შეხვდა ორი ცივილიზაცია, ანტიკური და ქრისტიანული. ავტორი შემთხვევით არ ახსენებს ნეოპლატონიზმს: ანტიკურობისა და ქრისტიანობის, პლასტიკისა და ზნეობის, პლატონისა და მაცხოვრის ერთმანეთთან შერიგებას – ჩემი წარმოდგენით, იდეალური ქართველობის ყველაზე უკეთეს ახსნას. ანთრო ადამიამ თავის თავთან უფლება მოიპოვა ეთქვა, „მე ცისფერი ვარ“ და თავისსავე ფერში დაინთქა, ზღვაში დაიკარგა, როდესაც მოყვასის გადარჩენას ცდილობდა.“ – ლევან ბერძენიშვილი
 
„ეს არის რომანი, რომელიც 2000 წლის თებერვლის მიწურულს ცდილობს კაცობრიობის მიერ განვლილი  ორიათასი და  მეტი თებერვალი გაიხსენოს – იყოს ანტიკურიც, ქრისტიანულიც და განმანათლებლობის მოურჩენელი სუსხიც დაჰკრავდეს. ანთრო ადამია – სახელისა და გვარის ირონიული გათამაშება და გვიანი პოსტმოდერნული მოდელია, რომელიც საკუთარ თავში ბედისწერის მოდელებსაც იმეორებს, ტრანსცენდენტური განცდაც თან სდევს და ამავდროულად, გარდაუვლად რაციონალურიც არის. ეს აღრევა, რომელიც ერთი მხრივ უსაყრდენობასაც გულისხმობს, მეორე მხრივ ძალიან საინტერესოა: იგი ცუღლუტების დიონისურ ღვთაებასაც აკვირდება და სავანის მონასტერში – მამა ანდრიასაც. და ეს დაკვირვება გაკვირვებად ნაკლებად გარდაიქმნება, რადგან რომანი დაკარგული მეს ძებნაა, რომელიც ანთრომ მაშინაც იცოდა, როდესაც ანთროპოსი ერქვა და მაშინაც, როცა ადამიანი ჰქვია – ერთია ორივეს დასაბამი, სახელებია სხვადასხვა.
 
ამ წიგნში თქვენ საკუთარ თავსაც იპოვით, უბრალოდ, მის საძებნად ცოტა გრძელ გზაზე ავტორთან ერთად სიარული არ უნდა დაგეზაროთ.“ – გიორგი კეკელიძე
გაზიარება

ავტორის წიგნები

რეცენზიები

რეცენზიები არ არის

ფრაგმენტები ბუბა კუდავას მომავალი წიგნიდან

  1. ვახტანგი და ტფილისი ბავშვმაც კი იცის, რომ თბილისი ვახტანგ გორგასალმა დააარსა და საქართველოს დედაქალაქი მცხეთიდან თბილისში გადმოიტანა. თუმცა... ვრცლად >

გია ბუღაძის „200 ამბავი მხატვრობაზე“ – გაზეთ „ახალ თაობასთან“ ერთად!

3 მარტიდან, გაზეთ „ახალ თაობასთან“ ერთად, გია ბუღაძის წიგნის – „200 ამბავი მხატვრობაზე“ – შეძენა შესაძლებელი იქნება მხოლოდ 12 ლარად! მოიკითხეთ პრესის... ვრცლად >