თუშეთი

მრავალტომეული თავს უყრის საქართველოს ისტორიისა და ეთნოგრაფიის აღიარებული მკვლევრის, მხარეთმცოდნისა და არქეოლოგის, ნუმიზმატისა და არაერთი მუზეუმის დამაარსებლის,  პროფესორ სერგი მაკალათიას (1893-1974), პრაქტიკულად ყველა შრომას, რომელიც თანამედროვე მკითხველს მისი დიდი ღვაწლის გააზრებასა და გაცნობაში დაეხმარება. გასათვალისწინებელია, რომ ნაშრომთა უმეტესი ნაწილი მხოლოდ ერთხელ, მეცნიერის სიცოცხლეში გამოიცა.

 

მესამე ტომი 1931 წელს ცალკე წიგნად გამოცემულ ისტორიულ-ეთნოგრაფიულ ნარკვევს – „თუშეთს“ – ეთმობა, რომელიც მეცნიერის მიერ ამავე წლის ზაფხულში მოწყობილი ექსპედიციის შედეგად მოპოვებულ მასალას ეყრდნობა. ავტორი გვაწვდის საინტერესო ცნობებს თუშეთის  მდიდარ ბუნებაზე, თუშების ხასიათსა და ყოფა-ცხოვრებაზე.