როინ მეტრეველი

ისტორიკოსი, მეცნიერი, საზოგადო მოღვაწე, საქართველოს მეცნიერებათა აკადემიის აკადემიკოსი, ისტორიის მეცნიერებათა დოქტორი, პროფესორი. ავტორია 300-ზე მეტი წიგნისა და ნაშრომისა. მისი რედაქტორობით გამოქვეყნდა 100-მდე წიგნი და ნაშრომი. იყო თბილისის სახელმწიფო უნივერსიტეტის რექტორი (1991-2004). 

 

მიღებული აქვს საქართველოს სახელმწიფო პრემია მეცნიერების დარგში, ივანე ჯავახიშვილისა და აკაკი წერეთლის სახელობის პრემიები, მინიჭებული აქვს აფხაზეთის მეცნიერების დამსახურებული მოღვაწის წოდება. როინ მეტრეველი სისტემატურად მონაწილეობს ისტორიკოსთა მსოფლიო კონგრესებში და სხვა სახის სამეცნიერო შეკრებებში.

 

არტანუჯმა გამოსცა მისი წიგნები: „გელათი“, „კავკასიური ცივილიზაცია მსოფლიო გლობალიზაციური პროცესების კონტექსტში“, „პატრიარქი – ერის სულიერი მამა“, „რაჭა“, „საისტორიო ნარკვევები“, „საქართველოს მეფეები და პატრიარქები“, “The Golden Age”, „საქართველო რუსთველის ეპოქაში“ და „მკვიდრი უმკვიდრო შევიქმენ“ – ნიკო ჯადუგიშვილის თანაავტორობით.