ვაზროვნებ, მაშასადამე ვთამაშობ

იტალიურიდან თარგმნა ნანა ზარდიაშვილმა

 

„...მე იმ გუნდს ვეკუთვნი, რომელიც ყველასია. ეს შეგრძნება ხშირად სექსზე უკეთესია: უფრო დიდხანს გრძელდება და თუ რაღაც არ გამოდის, მხოლოდ შენი ბრალი არ არის. ეროვნული ნაკრები რაღაც ძალიან დიდია. ამის მაგალითად კასანო გამოდგება. როგორც თვითონ ამბობს, ცხოვრებაში შვიდასი ქალი ჰყავდა; ერთ დღესაც მწვრთნელმა ნაკრებში აღარ გამოიძახა. შეიძლება უნაკრებოდ, სექსით ბედნიერი იყოს? მე ვერ ვიქნებოდი. რადგან ის, მეორე, ბიოლოგიურ კანად გადაქცეული, ცისფერი მაისური, სულ სხვა განცდებს გჩუქნის. სამყაროს სხვაგვარს ხედავ. უკეთესს გხდის. უფრო მაღალ საფეხურზე აჰყავხარ. სჯობს მოედნის ჯარისკაცი იყო, ვიდრე საწოლის“.