მოგზაურობა ევროპაში (სერიის პირველი წიგნი)

მოგზაურობა ევროპაში (სერიის პირველი წიგნი)

სულხან-საბა ორბელიანი

ძველად ადამიანები შორ მანძილებზე მიდიოდნენ უკეთესი სამოსახლო გარემოს აღმოსაჩენად, სავაჭრო მიზნებისთვის, დიპლომატიური მისიებით, სამხედრო ექსპედიციებისას, წმინდა ადგილების მოსალოცად, სამეცნიერო ინტერესებისთვის...

რასაკვირველია, ქართველებსაც ხშირად უწევდათ სხვადასხვა მიზეზით ქვეყნის დატოვება და შორს გამგზავრება. ბერები, პილიგრიმები, ელჩები, ვაჭრები, მოლაშქრეები, მეფე-მთავრებიც კი, ასობით და ათასობით კილომეტრით სცილდებოდნენ სამშობლოს. გარესამყაროსთან საქართველოს მდიდარი პოლიტიკურ-ეკონომიკური თუ რელიგიურ-კულტურული ურთიერთობების ისტორიას დიდწილად სწორედ ასეთი „მოგზაურები“ ქმნიდნენ.

პირველი ასეთი ქართველი, ვისი განვლილი გზის აღწერამ და შთაბეჭდილებათა ერთიანი, თხრობითი ხასიათის ტექსტმა დღემდე მოაღწია, სულხან-საბა ორბელიანი გახლდათ – ბევრი სხვა საქმის პიონერი, მოთავე, სულისჩამდგმელი, ბუნებით ნოვატორი. მან 1713-1716 წლებში დიპლომატიური მისიით იმოგზაურა ევროპაში, რის შემდეგაც დაიწერა „მოგზაურობა ევროპაში“.

სულხან-საბას ბრწყინვალე ქმნილება, რომელიც აქტუალობას არასდროს კარგავს, კიდევ ერთხელ წარდგება ქართველი სამეცნიერო საზოგადოებისა და დაინტერესებული მკითხველის წინაშე, ამჯერად განახლებული კვლევითა, მოგზაურობის რუკებითა და სპეციალურად ამ გამოცემისთვის მოძიებული ვიზუალური მასალით.

გაზიარება