ISBN: 978-9941-527-43-2
კატეგორია: სამეცნიერო გამოცემები, ძველის ქართველი მოგზაურები
გვერდები: 292
ფორმატი: 148 x 210
გამოცემის თარიღი: 2026
ყდა: მაგარი
ფასი: 0.00 
ძველად ადამიანები შორ მანძილებზე მიდიოდნენ უკეთესი სამოსახლო გარემოს აღმოსაჩენად, სავაჭრო მიზნებისთვის, დიპლომატიური მისიებით, სამხედრო ექსპედიციებისას, წმინდა ადგილების მოსალოცად, სამეცნიერო ინტერესებისთვის...
რასაკვირველია, ქართველებსაც ხშირად უწევდათ სხვადასხვა მიზეზით ქვეყნის დატოვება და შორს გამგზავრება. ბერები, პილიგრიმები, ელჩები, ვაჭრები, მოლაშქრეები, მეფე-მთავრებიც კი, ასობით და ათასობით კილომეტრით სცილდებოდნენ სამშობლოს. გარესამყაროსთან საქართველოს მდიდარი პოლიტიკურ-ეკონომიკური თუ რელიგიურ-კულტურული ურთიერთობების ისტორიას დიდწილად სწორედ ასეთი „მოგზაურები“ ქმნიდნენ.
ქართველ მოგზაურთა შორის გამორჩეული ადგილი უჭირავს ცნობილ საეკლესიო მოღვაწეს, დიპლომატსა და კარტოგრაფს ტიმოთე გაბაშვილს, რომელმაც 1755-1759 წლებში იმოგზაურა მცირე აზიაში, პალესტინაში, ათონის მთაზე. მოიარა ხმელთაშუა და ეგეოსის ზღვის ათობით კუნძული და დაგვიტოვა სამოგზაურო ჟანრის შესანიშნავი ნიმუში.
„მიმოსვლა“ არაერთი კუთხით მიიპყრობს მკითხველის ყურადღებას. მასში აღწერილია არა მხოლოდ უცხო მხარეებში მონახულებული ქალაქები, სხვადასხვა დასახლებული პუნქტები თუ ცალკეული მონუმენტები, არამედ ის გულომდგინედ წარმოაჩენს საზღვარგარეთ არსებულ უძველეს ქართულ კულტურულ და სულიერ კერებს, რაც თხზულებას ფასდაუდებელი დოკუმენტური წყაროს დატვირთვას სძენს.
სერიის პირველი წიგნის მსგავსად, წარმოდგენილ გამოცემასაც ერთვის უახლესი კვლევა, მოგზაურობის რუკები, ტიმოთე გაბაშვილის ეპოქის შესაბამისი კარტოგრაფიული ნიმუშები, გრავიურები და სხვა სახის ვიზუალური მასალა.
ფრაგმენტები ბუბა კუდავას მომავალი წიგნიდან
1. ვახტანგი და ტფილისი ბავშვმაც კი იცის, რომ თბილისი ვახტანგ გორგასალმა დააარსა და საქართველოს დედაქალაქი მცხეთიდან თბილისში გადმოიტანა. თუმცა... ვრცლად >
მოუსმინე „არტანუჯის“ აუდიო წიგნებს... ვრცლად >
