ქართლის ცხოვრება

ინგლისურ ენაზე

 

„ქართლის ცხოვრების“ ინგლისურ და რუსულ ენებზე გამოცემა უმნიშვნელოვანესი ფაქტია: უნიკალური ისტორიული ძეგლი ხელმისაწვდომი ხდება საზოგადოების ფართო წრისთვის. დღეს, როცა ძალზე ცოტა ინფორმაციაა ევროპულ ენებზე საქართველოს ისტორიისა და ქართული კულტურის შესახებ, „ქართლის ცხოვრების“ ერთიანი ტექსტის გამოცემას განსაკუთრებული მნიშვნელობა ენიჭება უცხოელ სპეციალისტთათვის. ქართულ კულტურასა და ცივილიზაციას მნიშვნელოვანი ადგილი უჭირავს მსოფლიო ცივილიზაციაში. სწორედ ამიტომ „ქართლის ცხოვრება“, რომელიც უმაღლესი რანგის ძეგლად მიიჩნევა, უმთავრეს წყაროს წარმოადგენს საქართველოს ისტორიის გასაცნობად და წარმოსაჩენად.