წიგნის საჯაროდ კითხვის მსოფლიო დღის დასკვნითი ღონისძიება

სიახლეები


16
თებერვალი

წიგნის საჯაროდ კითხვის მსოფლიო დღის დასკვნითი ღონისძიება

16 თებერვალს 18:30-ზე საქართველოს მწერალთა სახლში გაიმართება პროექტის – „წიგნის საჯაროდ კითხვის მსოფლიო დღე“ – დასკვნითი ღონისძიება.

 

ღონისძიებაზე მოწვეული ავტორები: დათო ტურაშვილი, დიანა ანფიმიადი და ნესტან ნენე კვინიკაძე საჯაროდ წაიკითხავენ თავიანთ ნაწარმოებებს და წიგნიერების მნიშვნელობაზე ისაუბრებენ.

 

ღონისძიების დასკვნით საღამოზე უკვე მეორედ გამოვლინდება „წლის წიგნის ქომაგი“, რომელიც საქართველოს წიგნის გამომცემელთა და გამავრცელებელთა ასოციაციის ინიციატივით დაწესდა და უკვე ტრადიციულ პრემიად იქცა.

 

დახურვის საღამოზევე წიგნის საჯაროდ კითხვის მსოფლიო დღის ფეისბუქ კამპანიის მონაწილეებს შორის საკუთარი რჩეული ვიდეოს ავტორს გამოავლენს და დაასაჩუქრებს ქართული წიგნის ეროვნული ცენტრი. 

 

საქართველოს წიგნის გამომცემელთა და გამავრცელებელთა ასოციაციის ინიციატივით საქართველოში 16 თებერვალს უკვე მეორედ აღინიშნება წიგნის საჯაროდ კითხვის მსოფლიო დღე! ღონისძიების ოფიციალური პარტნიორია საერთაშორისო ორგანიზაცია "Litworld". 

 

წელს ასოციაციის ორგანიზებით, საქართველოში კიდევ უფრო საინტერესო და მრავალფეროვანი ღონისძიებებით დატვრითული წიგნის საჯაროდ კითხვის მსოფლიო დღე იგეგმება.

 

„წიგნის საჯაროდ კითხვის მსოფლიო დღე“ მსოფლიოში ცნობილი ღონისძიებაა და მას ყოველწლიურად მსოფლიოს 100-ზე მეტ ქვეყანაში აღნიშნავენ, ღონისძიებაში მონაწილეთა რაოდენობა 31 მილიონამდე აღწევს.

 

საქართველოს წიგნის გამომცემელთა და გამავრცელებელთა ასოციაცის მიზანია, საქართველო კიდევ ერთხელ შეუერთდეს ამ საერთაშორისო ინიციატივას და გახდეს მსოფლიოს ამ მასშტაბური ღონისძიების ნაწილი, საქართველო და მისი ქალაქები მოხსენიებული იყოს მსოფლიოს სხვადასხვა ქალაქების გვერდით. ჩაერთოს ბევრი ადამიანი და ვიკითხოთ წიგნი მსოფლიოსთან ერთად.

 

დასწრება თავისუფალია!

მისამართი: ივანე მაჩაბლის ქ. 13 (საქართველოს მწერალთა სახლი)


გაზიარება