გამომცემლობა „არტანუჯის“ მოწვევითა და ნორვეგიული ორგანიზაცია „ნორლას“ მხარდაჭერით, თბილისს ნორვეგიელი მწერალი, ჟურნალისტი, დიდი ნორვეგიული გამომცემლობა „კაპელენ დამის“ რედაქტორი ბერნარ მორი ეწვევა. ის თბილისის წიგნის საერთაშორისო ფესტივალზე (31 მაისი-3 ივნისი) საპატიო სტუმრის სტატუსით წარდგება. ფესტივალის ფარგლებში მასთან შეხვედრის საშუალება ორჯერ მოგეცემათ:
✔ 31 მაისი, 14:00 სთ – ბერნარ მორის შეხვედრა მკითხველთან და ავტოგრაფების დარიგება „არტანუჯის“ სტენდთან
✔ 1 ივნისი, 14:00 სთ – დოკუმენტური რომანის – „რატომ ირჩევენ რუსები პუტინს“ (მთარგმნელი თამარ კვიჟინაძე) წარდგენა „ექსპო ჯორჯიას“ მე-11 პავილიონის მთავარ სცენაზე.
წიგნის პრეზენტაცია გაიმართება ასევე ლიტერატურის მუზეუმში:
✔ 1 ივნისი, 19:00 სთ – ღონისძიების მოდერატორები: ლაშა ბაქრაძე და ზვიად კვარაცხელია
2006 წელს ბერნარ მორი, იმ დროისთვის ჟურნალისტის ამპლუაში, რუსეთში ორი წლით გადავიდა საცხოვრებლად და ადგილობრივ გაზეთში დაიწყო მუშაობა. მაშინ ჯერ კიდევ ბევრს სწამდა, რომ რუსეთის დემოკრატიული განვითარება შესაძლებელი და მოსალოდნელიც კი იყო. პირველი სტუმრობიდან ათი წლის თავზე, რუსეთ-უკრაინის ომის შემდეგ ბერნარ მორი ისევ დაბრუნდა რუსეთში, ამჯერად იმისთვის, რომ მიეღო პასუხები უმთავრეს შეკითხვებზე: რატომ აძლევენ რუსები ხმას პუტინს? რატომ უჭერენ მხარს სისტემას, რომელიც დასავლური თვალით ძალიან ჰგავს მუდმივად მზარდ რეპრესიულ რეჟიმს?
ღონისძიებებზე დასწრება თავისუფალია!
