ჯეიმზ ჯოისი

ჩვენი ავტორები

ჯეიმზ ჯოისი

XX საუკუნის ერთ-ერთი ყველაზე მნიშვნელოვანი მწერალი. იგი დაიბადა კათოლიკეთა ოჯახში, დუბლინის გარეუბან რეთგერში 1882 წლის 2 თებერვალს.
 
ჯეიმზ ჯოისმა 1888 წელს ჩააბარა გამოცდები კლონგოუს-ვუდის კოლეჯში. 1892 წელს, მას შემდეგ, რაც მამა ვეღარ ეხმარებოდა სწავლის ღირებულების გადახდაში, იგი იძულებული გახდა, დაენებებინა კოლეჯში სწავლისთვის თავი. თუმცა აქტიურ თვითგანათლებას ეწეოდა შინ. 
 
ჯოისმა 1898 წელს ჩააბარა დუბლინის ახლადშექმნილ კოლეჯში, თანამედროვე ენების ფაკულტეტზე, კერძოდ კი ინგლისური, ფრანგული და იტალიური ენების განხრით. ამასთანავე ჯეიმზი აქტიურ მონაწილეობას იღებდა თეატრალური და ლიტერატურული წრეების მუშაობაში.
 
უნივერსიტეტის დამთავრების შემდეგ, 1903 წელს, ჯოისმა დატოვა დუბლინი და მედიცინის შესასწავლად პარიზში გაემგზავრა.
 
იგი თავს ირჩენდა წიგნების რეცენზიებით, კერძო გაკვეთილებით, სხვადასხვა დროს მუშაობდა ინგლისური ენის მასწავლებლად.
 
ჯეიმზ ჯოისს ეკუთვნის პოეტური კრებული „კამერული მუსიკა“ (1907 წ.), ნოველების წიგნი „დუბლინელები“ (1914 წ.), ავტობიოგრაფიული რომანი „ხელოვანის პორტრეტი ახალგაზრდობისას“ (1916 წ.), პიესა „გაძევებულნი“ (1918 წ.). მისი ყველაზე გახმაურებული რომანია „ულისე“ (1922 წ.) და უკანასკნელი წიგნი კი „ფინეგანის სამძიმარი“ (1939 წ.) მიუხედავად იმისა, რომ ჯოისმა ცხოვრების უმეტესი ნაწილი ირლანდიის საზღვრებს გარეთ გაატარა, მისი ფსიქოლოგიური და ბელეტრისტული სამყარო ეყრდნობა მშობლიურ დუბლინს – ქალაქს, რომელიც წარმოადგენს მისი შემოქმედებითი სამყაროს მთავარ მოქმედების ადგილს.
გაზიარება

რეცენზიები

რეცენზიები არ არის

გია ბუღაძის „200 ამბავი მხატვრობაზე“ – გაზეთ „ახალ თაობასთან“ ერთად!

3 მარტიდან, გაზეთ „ახალ თაობასთან“ ერთად, გია ბუღაძის წიგნის – „200 ამბავი მხატვრობაზე“ – შეძენა შესაძლებელი იქნება მხოლოდ 12 ლარად! მოიკითხეთ პრესის... ვრცლად >

Katy & Acho-ს წიგნი „კულინარია ჰობად“ გაზეთ „ახალ თაობასთან“ ერთად

12 იანვრიდან, გაზეთ „ახალ თაობასთან“ ერთად Katy & Acho-ს წიგნი „კულინარია ჰობად“ მხოლოდ 12 ლარად!   მოიკითხეთ პრესის გამავრცელებელ ობიექტებში გაზეთთან... ვრცლად >