24 დეკემბერს, 16:00 საათზე, გამომცემლობა „არტანუჯი“ გიწვევთ შეხვედრაზე რუსუდან ფეტვიაშვილთან. ღონისძიება გაიმართება თბილისის წიგნის საახალწლო ფესტივალი 2016-ის ფარგლებში. შეხვედრაზე და ზოგადად, ფესტივალზე მოსულ სტუმრებს 16:00-18:00 საათებში საშუალება ექნებათ განსაკუთრებული ფასდაკლებით შეიძინონ რუსუდან ფეტვიაშვილის ალბომი და მიიღონ ავტოგრაფი ავტორისგან.
რუსუდან ფეტვიაშვილის ალბომი, რამდენიმე თვის წინ გამოიცა. მასში შესულია მხატვრის სხვადასხვა დროის ფერწერული და გრაფიკული ნამუშევრები, როგორც ბავშვობისდროინდელი, 6-11 წლის ასაკში, ფანქრითა და ტუშით შესრულებული უნიკალური ნახატები, ასევე სხვადასხვა წიგნისთვის შექმნილი ილუსტრაციები („ვეფხისტყაოსანი“, ფრანგულ ენაზე გამოცემული „დათა თუთაშხია“ და სხვ.) და სახარების მინიატურები. ნამუშევრები სხვადასხვა დროს და სხვადასხვა მასალითაა შესრულებული – ფანქარი, აკვარელი, ტემპერა, ზეთის საღებავები, ქაღალდი, მუყაო, აბრეშუმი და სხვა.
ალბომი ერთგვარი უნიკალური საარქივო მასალაა, რადგან ამ ნამუშევრების უმეტესი ნაწილი დღეს კერძო თუ სახელმწიფო გალერეებსა და პირად კოლექციებშია დაცული.
რუსუდან ფეტვიაშვილის ალბომის გაცნობა შეგიძლიათ ქართულ და ინგლისურ ენებზე.
დასწრება თავისუფალია!
მის: ლადო გუდიაშვილის 7, ეროვნული ბიბლიოთეკის მესამე კორპუსი.
