25 დეკემბერს. 13:00 საათზე გამომცემლობა „არტანუჯი“ გიწვევთ Katy & Acho-ს წიგნის „კულინარია ჰობად“ წარდგინებაზე, ღონისძიება გაიმართება თბილისის წიგნის საახალწლო ფესტივალი 2016-ის ფარგლებში. Katy & Acho მოამზადებენ კერძებს წიგნში შესული რეცეპტების მიხედვით და სტუმრებს საშუალება ექნებათ დააგემოვნონ.
კულინარიული წიგნი, რომელიც შექმნილია არა პროფესიონალი მზარეულების, არამედ მოყვარული კულინარების მიერ, ვიდეოპროექტ Katy & Acho Cooking-ის შედეგია!
აქ თქვენ შეხვდებით როგორც კარგად ცნობილ, ასევე უცნობ რეცეპტებს, რომელთა მომზადებასაც სახლის პირობებში თითოეული თქვენგანი ძალიან მარტივად შეძლებს.
წიგნი გამოირჩევა უსაზღვროდ მადისაღმძვრელი და ცოცხალი ფოტოებით, რომელთა გადასაღებად, თითოეული კერძი ინდივიდუალურად მომზადდა, რის გამოც, კერძი, რომლის რეცეპტსაც წაიკითხავთ, ზუსტად ისე გამოიყურება სინამდვილეში, როგორც ფოტოზე!
მეტი კომფორტისთვის კი, თითოეულ რეცეპტს დავურთეთ მომზადების სავარაუდო დრო და ღირებულება.
დასწრება თავისუფალია!
მის: ლადო გუდიაშვილის 7, ეროვნული ბიბლიოთეკის მესამე კორპუსი. (მთავარი სცენა)
