5 რომანი

წიგნები

5 რომანი

გრიგოლ რობაქიძე

ISBN: 9789941463617

კატეგორია: უცნობი გრიგოლ რობაქიძე

გვერდები: 810

ფორმატი: A4

გამოცემის თარიღი: 2018

ყდა: მაგარი

ფასი: 35.00

ყიდვა

ამ წიგნში გრიგოლ რობაქიძის ხუთი რომანია შესული, რომელიც, დიდი მწერლის დრამატული ცხოვრების გათვალისწინებით, სრულიად განსხვავებულ დროში, გარემოსა და ვითარებებში იქმნებოდა.

გრიგოლ რობაქიძე 1900-იანი წლებიდან 20-იანი წლების ბოლომდე აღიარებულ ავტორად, კულტურული და სალიტერატურო პროცესის ერთ-ერთ წინამძღოლად და გემოვნების კანონმდებლად მიიჩნეოდა საქართველოში. საბჭოთა კავშირის დატოვებისთანავე ის ხალხის მტრად შეირაცხა და დიდი ხნით აიკრძალა.

გრიგოლ რობაქიძის ხუთი რომანი – „გველის პერანგი“ (1926 წ.), „მეგი – ქართველი გოგონა“ (1932 წ.), „ქალღმერთის ძახილი“ (1934 წ.), „მცველნი გრალისა“ (1937 წ.), „ფალესტრა“ (1928 წ.) – ჯერ სამშობლოში, შემდეგ კი ემიგრაციაში იწერებოდა. მათი დიდი ნაწილი ზედიზედ ითარგმნა და გამოიცა წამყვან გერმანულ გამომცემლობებში. და რადგან გრიგოლ რობაქიძის ემიგრანტული არქივი დღემდე დაკარგულადაა მიჩნეული, სწორედ იმ გამოცემებიდან მომზადდა რამდენიმე რომანის თარგმანი.

გრიგოლ რობაქიძე 1927 წელს შტეფან ცვაიგისადმი მიწერილ ბარათში, რომელშიც ევროპაში სრულიად უცნობი ავტორი აღიარებული და სუპერპოპულარული მწერლისგან მხარდაჭერას ითხოვდა, წერდა: „საქმე ეხება არა პოეტის ლიტერატურულ სახელს, არამედ ერთი პატარა აღმოსავლური ერის სულიერი მდგომარეობის გაცნობას ევროპელი ხალხებისათვის“.

წიგნში შესული რომანები („ქალღმერთის ძახილი“, „მეგი – ქართველი გოგონა“, „მცველნი გრალისა“) გერმანულიდან თარგმნეს: დალი ფანჯიკიძემ, ნანა გოგოლაშვილმა და თამარ კოტრიკაძემ.

გაზიარება

ავტორის წიგნები

რეცენზიები

რეცენზიები არ არის

ხალიდ ჰოსეინის „მთებმა მთებს უთხრეს“ 40%-იანი ფასდაკლებით

გამომცემლობა „არტანუჯი“ გთავაზობთ 40%-იან  ფასდაკლებას  ხალიდ ჰოსეინის რომანზე – „მთებმა მთებს უთხრეს“. ფასდაკლება გრძელდება 5 მარტამდე, წიგნის... ვრცლად >

შეიძინე ქართველი ავტორის წიგნი!

გამომცემლობა „არტანუჯი“ და გამომცემლობა „ინტელექტი“ იწყებს გრანდიოზულ აქციას #შეიძინექართველიავტორისწიგნი!   ქართული წიგნის ბაზრის... ვრცლად >