დაიბადა 1939 წელს თბილისში. 1957 წელს დაამთავრა მოსკოვის 56-ე საშუალო სკოლა და სწავლა განაგრძო საქართველოს პოლიტექნიკური ინსტიტუტის სამშენებლო ფაკულტეტის არქიტექტურის განყოფილებაზე. 1963 წელს დაამთავრა ილია ჭავჭავაძის სახელობის თბილისის უცხო ენათა ინსტიტუტი. 1970 წელს სტაჟირება გაიარა ამერიკის შეერთებულ შტატებში, მიჩიგანის უნივერსიტეტში. 1976-1994 წლებში საქართველოს ტელევიზიით უძღვებოდა გადაცემას გლობუსი. ათწლეულების მანძილზე კითხულობდა ლექციებს ინგლისურ ენასა და სოციოლოგიაში თბილისის უცხო ენათა ინსტიტუტსა და თბილისის სახელმწიფო უნივერსიტეტში.
1992-2003 წლებში იყო საქართველოს პრეზიდენტის მრჩეველი საერთაშორისო ურთიერთობათა საკითხებში. 2005-2006 წლებში საქართველოს პრეზიდენტის თანაშემწე და პრესსპიკერი. 2006-2009 წლებში საქართველოს საგანგებო და სრულუფლებიანი ელჩი დიდი ბრიტანეთისა და ჩრდილოეთ ირლანდიის გაერთიანებულ სამეფოში.
„არტანუჯმა“ გამოსცა გელა ჩარკვიანის ორი წიგნი – „ინტერვიუ მამასთან“ და „ნარგიზა“ და კანდიდ ჩარკვიანის „სტალინთან ურთიერთობის ეპიზოდები“ გელა ჩარკვიანის რედაქციით.
„ინტერვიუ მამასთან“ ქართული წიგნის ეროვნული ცენტრის მხარდაჭერით იტალიურმა გამომცემლობა „პალომბიმ“ 2015 წელს გამოსცა. მთარგმნელი: ქეთევან ჩარკვიანი.
მოუსმინე „არტანუჯის“ აუდიო წიგნებს... ვრცლად >
ფრაგმენტები ბუბა კუდავას მომავალი წიგნიდან
1. ვახტანგი და ტფილისი ბავშვმაც კი იცის, რომ თბილისი ვახტანგ გორგასალმა დააარსა და საქართველოს დედაქალაქი მცხეთიდან თბილისში გადმოიტანა. თუმცა... ვრცლად >
