დავით კლდიაშვილის ახლოს მოგონება

ტექსტი გამოსაცემად მოამზადეს ავთანდილ და ოთარ ნიკოლეიშვილებმა

 

ივანე არჯევანიძე, როგორც რუსეთის ერობათა კავშირისა და წითელი ჯვრის საზოგადოების თანამშრომელი, პირველი მსოფლიო ომის დროს სამხედრო სამსახურს გადიოდა აჭარაში. დაკისრებული სამსახურებრივი მოვალეობის შესრულების დროს მას ხშირი შეხვედრები ჰქონია ქართული პროზის დიდოსტატთან – დავით კლდიაშვილთან. ივანე არჯევანიძის დღემდე გამოუქვეყნებელი მოგონება ყოველგვარი გადაჭარბების გარეშე უნდა მივიჩნიოთ უაღრესად მნიშვნელოვან წერილობით დოკუმენტად, რომელიც საინტერესო დეტალებით ავსებს და ამდიდრებს როგორც დავით კლდიაშვილის ბიოგრაფიას, ისე პირველი მსოფლიო ომის დროინდელი „სამუსლიმანო საქართველოს“ ისტორიას.