სტალინი

აკაკი ვასაძის წიგნის „მოგონებები, ფიქრები“ პირველი ნაწილი 1977 წელს გამოიცა, მეორე წიგნი – 1983 წელს.

აკაკი ვასაძე იყო ფართო ერუდიციის, ღრმა ანალიტიკური აზროვნების მსახიობი, რეჟისორი და საზოგადო მოღვაწე. მას ურთულეს ეპოქაში მოუხდა მოღვაწეობა. ბევრი რამ ნახა და განიცადა, რომელიც საინტერესოდ და სიმართლით არის გადმოცემული მოგონებებში. მათ შორის შეხვედრები სტალინთან, რომლის დაბეჭდვის უფლება ცენზურამ მაშინ არ გასცა. დიდი მსახიობის მოგონებები კარგა ხნის შემდეგ აკაკი ვასაძის შვილიშვილმა აკაკი ვასაძემ გამოაქვეყნა ჟურნალში „თეატრი და ცხოვრება“. ვფიქრობთ, მკითხველი ინტერესით გაეცნობა სტალინთან აკაკი ვასაძის შეხვედრის ეპიზოდებს.