ხევსურეთი

მრავალტომეული თავს უყრის საქართველოს ისტორიისა და ეთნოგრაფიის აღიარებული მკვლევრის, მხარეთმცოდნისა და არქეოლოგის, ნუმიზმატისა და არაერთი მუზეუმის დამაარსებლის,  პროფესორ სერგი მაკალათიას (1893-1974), პრაქტიკულად ყველა შრომას, რომელიც თანამედროვე მკითხველს მისი დიდი ღვაწლის გააზრებასა და გაცნობაში დაეხმარება. გასათვალისწინებელია, რომ ნაშრომთა უმეტესი ნაწილი მხოლოდ ერთხელ, მეცნიერის სიცოცხლეში გამოიცა.

 

მეექვსე ტომი  1935 წელს ცალკე წიგნად გამოცემულ ისტორიულ-ეთნოგრაფიულ ნარკვევს – „ხევსურეთს“ – ეთმობა, რომელიც გეოგრაფიული საზოგადოების მიერ 1933 წლის ზაფხულში პირიქითა და პირაქეთა ხევსურეთში მოწყობილი ექსპედიციის შედეგად მოპოვებულ უხვ მასალას ეყრდნობა. ნაშრომი ხევსურთა თითქმის ერთი საუკუნის წინანდელ ცხოვრებაზე მოგვითხრობს.